الله يقوّم سيدي بالسلامه
ويسلم لنا من كل شر ونشوفه
يسلم لنا راع الكرم والشهامه
اللي ملك كل البشر بمعروفه
شيخٍ خذا بالمجد ذروة سنامه
اللي مثل حجاج مكة اضيوفه
سعود راس المرجلة والزعامه
انا اشهد انه عندنا اكبر حسوفه
جعله يطيب وينقلنه اعظامه
ويشيل حملٍ يحملنه اكتوفه
حملٍ ثقيلٍ من تهقواه اضامه
يشيله اللي ما يحسب الكلوفه
اللي بوجهه للمروءة علامه
بحر الندى والطيب بيضٍ كفوفه
الله يبلغه أرمضان وصيامه
ويكفيه من جور الزمان وصدوفه
ويطلع قمرنا بعد عتم ظلامه
جعله يبين وينجلي من خسوفه
يقوله اللي ما كذب في كلامه
حط النقط على معاني حروفه
"مدارات شعبية"