دمعي على خدي من الحزن همال
حول على خدى بعدما دعيته
يالله يا منزل تبارك والانفال
يالواحد اللى في حياتي رجيته
تجبر عزانا وتلطف بجدي هلال
الشايب اللي ذاع بالكون صيته
عساه يلقى وسط فردوس منزال
وتغشاه رحمه منك داخل مبيته
يالله ياربي تكافيه الاهوال
وعسى السعاده تغمره لادعيته
عساه من ياخذ بيمناه الاعمال
مستبشر وجذلان باللي عطيته
وتظله بظلك مع السبعه ظلال
بعد إن قيده من حياته طويته
بكيت جدي لكن الدمع لو سال
لا يمكن يرده لو إني بكيته
لكن رثيته ودي بسيحة البال
ولا خير في شعري اذا ما رثيته
دنيا العنا من حال ترجع ليا حال
والله قضا واللي قضا الله رضيته
والآدمي لو عمره يطول رحال
والفايز اللي مستعدٍ لبيته
وساد الظلام وحل يوم القمر زال
والليل طال ومع همومي قضيته
"مدارات شعبية"