نايف يعزيني ونا مثل اعزيه
من غير نايف ناس ماني لحالي
في جاري اللي راح ماني بناسيه
دار خذاه الموت والجار غالي
عيني تهل الدمع الياحل طاريه
والياطرالي ضيق الحزن بالي
واجاري اللي له معزة ونغليه
حطوه في قبر طويل هيالي
عشرين عام ما شكاني ولا شكيه
وما فيه يوم يشتكونه عيالي
حق على الجار نذكر حسانيه
بعيد ولاّ من قريب موالي
من لامني يفقد من الناس غاليه
ويذوق حزن مكدرات الليالي
قاسيت مر الوقت وغيري مقاسيه
والعين ما تبكي على غير غالي
يا الله عسى الجنة بعفوك ملافيه
وتغفر ذنوبه يا عزيز الجلالي
تمت وانا تميت والرب واليه
وعلى نبي الخلق نختم مقالي
"مدارات شعبية"