سلطان شوفتك وسط المملكة يوم عيد
شوفتك من بيننا مثل النفس.. للحياه
المملكة في حضورك كلها لك نشيد
من برّها للبحر كل يبيّن.. وفاه
عساك دايم بخير وكل يوم تزيد
بعافيه.. كثر ما تبذل لمال وجاه
سلطان له في قلوب الناس مبنى جويد
ما ينهدم دامه اللي في يمينه.. بناه
وما دام كل يحبه والعدل له.. رصيد
ما هي غريبة لو ان الكل طوّح نداه
يستاهل اللي كتب به من حروف القصيد
يستاهل ان المعاني ترتفع في سماه
ما خاب من هو مثل سلطان حطه عضيد
انشهد انه تحيزم بالشجاعه وراه
صميدعي يزور الكايدات.. ويجيد
لا من نوى له طريق حققه ما عصاه
متواضع للتواضع والقسي له عنيد
صعبٍ سهل كيف ما يمشي عليه ويراه
والله لو هو بيدّي كل ساعة لا عيد
وانشر قصيدي بكل اعلامنا من غلاه
واقول هذا دليل الحب يا من.. تريد
حبه كسا المملكة لين ارتفع مستواه
أدري قصيدي بحقه ما يسمى قصيد
لا شك هذي مشاعر مرتو من عطاه
"مدارات شعبية"