|
اسفرت وانورت والكيف طاب
عندنا اليوم كنه يوم عيد
لاح نجم السعد والهم غاب
نحمد الله تحقق ما نريد
الفرح عمنا شيب وشباب
نشوته عاشها حتى الوليد
بعودة أميرنا بعد الغياب
يا هلا به عسى عمره مديد
ذاك سلمان حلال الصعاب
شيخنا راعي المجد التليد
وافي الشبر يحسب له حساب
ذخرنا اللى لنا مثل الرصيد
للمصافي مثل حلو الشراب
وللخصم لاتبين له عنيد
في نهار المواجه ما يهاب
سيفنا اللي نضد به الضديد
ارتدي يالرياض أغلى الثياب
والبسي زاهي اللبس الجديد
أشرق الصبح وانجال الضباب
عيدت نجد والعارض سعيد
مرحبا به عدد وبل السحاب
من قلوب بها حبه يزيد
مرخص المال لإعتاق الرقاب
يعطي الجزل ما مد الزهيد
سيد الكل محمود الجناب
طيب الأفعال عنها ما يحيد |
بتال بن فلاح الجاسر السهلي | 
"مدارات شعبية"