ضجه..
صخب وردي..
هرج.. ومرج..
وأصوات محتجه..
من هاللي.. جت..
واشعلت..
في الصالة الصجه..
فستانها غير..
ومكياجها غير..
وألوانها غير..
حتى هدوء المرح..
وخطواتها العذبه..
تناغم دلال الوله..
وتقول.. وتوجه..
تامر عبير.. الدخون..
تصك باب الآه..
وبيدينها تهجه..
مثل النسايم..
لا أنتشت..
وأمتد ليل الفرح..
ف.. رعشه..
رذاذ القمر..
وغنت دواوين الشعر..
مع قوة الحجه..
هذي هي اللوللو..
لولو العمر..
كل العمر..
كل الأمل..
سيرة كتاب الهوى..
وشعر الليالي الحب..
أول محرم..
وآخر بدايات السنة الأجمل..
من شهر ذي الحجه..
أحمد السعد | 
"سماء النجوم"