يا الله يا المولى وثيق العراوي
يا باعث ارواح الملا من لحدها
الطف بعبدٍ عن عبيدك غناوي
ورحمتك يرجى كل لحظة مددها
هوج الجروح محيرات المداوي
سطن بروحي سطوةٍ ما بعدها
ماني جزوع ولا على الصبر قاوي
وصبرٍ جميل وكل نفس وجهدها
يا مال طوبا يا بعيد الهقاوي
يا ذخر شدات السنين وسندها
اقفيت عن دارك اقفاية نحاوي
عزاوي بان الروح هذا وعدها
اقفيت طاويني من الحزن طاوي
وقع المصيبة فاضح من جحدها
وخليتني لمكثيرين العزاوي
وانته من اول واقفٍ في رصدها
منساك لوماني بوصلك رجاوي
الا نهار افراق روحي جسدها
لبستني تاجٍ وبشتٍ حساوي
وهيبة نحل بها العقد ونعقدها
اضرب بمخلابك وباعي رهاوي
ليا هاج صفاق البحور وزبدها
واليوم قدام الاهاوي خلاوي
مارجي فزوعي لو تكاثر عددها
لو هم حرار وياصلون الحراوي
عقبك مقطع شرهتي في جلدها
يفرح بك اللي من حضاته جلاوي
ليا طلعت سود الضغاين نكدها
نجمٍ على رؤوس الشياطين هاوي
وملجأ لمن نادى الفزوع وفقدها
ولا يلتفت لاهل الحيل والملاوي
منم خلقته بير الحيل ما وردها
ولا هو على الزله حريص وقصاوي
ليا صار راع المخطية ما قصدها
خفيف بالنخوة ثقيل وحياوي
عن ما يعيب النفس يرفع عمدها
وليا نوى رد البراء ما يراوي
طبعه يعد لكل قاله اعددها
عسى من الرحمة لباسه ضفاوي
في جاه من ينشي المزون ورعدها
اسالك يالمولى وثيق العراوي
رحمتك يا رحمن ترجى وحدها
"مدارات شعبية"