من يقول اني أحبك ما كذب
ما يلام اللي يحبك يا ملاك
كل عينٍ تنظرك فيها عجب
تسحر عيونٍ من الفتنة تراك
اجتمع فيك الحسن ويا الأدب
جل رب الكون يوم انه عطاك
الصبايا صابهن منك تعب
غايرات يا حبيبي من حلاك
كل وحدة تنظرك نظرة غضب
ما أحدٍ منهن وصل لي مستواك
كل شاعر في تواصيفك كتب
المشاعر همها تطلب رضاك
وكل قلب من سبايبكم لهب
تشتعل به نار والسبة غلاك
وكل شي تطلبه منا وجب
تآمر وتنهى وما تطلبه جاك
"مدارات شعبية"