طلبتك يا حبيب الروح لا تقطع من وصالك
فأنا ما عاد لي طاقة وما فيني يكفيني
ثلاث شهور متغرب ولا ندري وش أحوالك
تغلى يا قمر والاّ طوال الوقت ناسيني
تقول بتقطع الصحبة وفال الله ولا فالك
ألا يا كيف تفعلها وهي ما هيب ترضيني
تعذر بإني مقصّر وذا شيءٍ يورّى لك
وأنا مخلص ومتعود على وصل المحبيني
أشوفك وأستحي وأسكت وأريد الجو يصفالك
وأبيَّن ضحكتي لأجلك وأجامل والمرض فيني
حقيقة مالكٍ روحي وقلبي ملكك لحالك
ولو طولت يا مالك حياتي من يسليني
فلا تزعل وتنظر لي بعينٍ تهلك الهالك
فنظرة عينك الحدة مثل طعن السكاكيني
وإذا قررت تتركني وصارت مالي ومالك
أبلقى واحدٍ غير وربي منك يغنيني
"مدارات شعبية"