الحمد لله والشكر والثناء له
اللي على خلقه جزالٍ حسانيه
عسان المطر يمطر ويردم اخياله
ترزمٍ رعوده وبارقه يشتعل فيه
عسى الوطن يرحم جنوبه وشماله
وشرقه وغربه جعلها تهتني فيه
برحمة اللي ما خسر من يساله
ربٍ كريم ولا يخيب امترجيه
حُكم الفهد عشرين عامٍ مضاله
والشعب يرفع لأبو فيصل تهانيه
يا الله يا ربي تمهل لياله
ويا الله يا ربي تحرسه وتكفيه
وولي عهد الفهد يا حي فاله
عبد الله اللي طيباتٍ مساعيه
عبد الله اللي طيباتٍ أفعاله
دايم أبو متعب إبعادن هقاويه
والنائب الثاني وإن جاء مجاله
سلطان ريف الشعب والشعب يغليه
رجل الدفاع اللي حميدة إخصاله
يعيش أبو خالد وتسعد لياليه
والمملكة تنعم بحكم العداله
حكم السعود اللى ترى الكل راضيه
حكم العدالة ما ندَور بداله
لا والذي كل المخاليق ترجيه
وصلاة ربي عد ممطر إخياله
على نبيٍ كلنا نقتدي فيه
"مدارات شعبية"