من قال يا بلادي لمثلك تلاقي
حبك نمى فينا معاني كبيره
حكم الفهد لك صار نبع وساقى
وللسيف والنخله مع المجد سيره
حلم الرساله والوفا فيك راقي
ورد الحجاز لنجد يهدي عبيره
يا موطن الامجاد للعز باقي
في عين تاريخ بدونك ضريره
الغربه والله مرها ما يطاقي
بين المسافه والهوى ألف سيره
توصف لها الغيمة روابي اشتياقى
تقول لها انى فلا أرضى بغيره
فيها الكرم والعز.. العدل فاقي
أمان هالعالم وآخر مصيره
وإن جارت الأيام والصدر ضاقي
من غدر من هو كان ينعم بخيره
فهد لها مجد أصيل العماقي
واكبر نوايبها بعينه صغيره
حتى البلاوي لو تزيد اعتلاقي
بقوة الإيمان عينه بصيره
شعب وملك والعهد رمز العناقي
من يحتمى بحماك ربي نصيره
يا بلادي انتي روح دون الفراقي
على مدى الازمان تبقى أثيره
"مدارات شعبية"