ونّ الفؤاد وخاطري شين مرهوق
جسّيت نبضه قلت ما زال صاحي
فكرت بامره ساعه شوي ويروق
وادار وجه الهم يمه واشاحي
انهك قواي بزود يا غيب يا فوق
لله أنا وياه بالصبر اناحي
ميزت بالدنيا على اشعة شروق
جلسة خلا وبعيد عن هالضواحي
هدنه مع الايام من ضجة الشوق
أجنح عنه وارتاح ما راح راحي
لو مر طيف الزين وانتل معلوق
هذاك علم الشوق يا راس طاحي
يوم اهتويت اوفيت ما خنت بوثوق
كان الجزا تزويد عمق الجراحي
ما يستميل ارضاي بل زادني حروق
ساد النزاع وفار دمي وفاحي
الهجر فيصل بيني وبينه فروق
فرق الوفا من مهجته صار ماحي
عنه اعتلي مرقاب فوق اعتلى فوق
واعطيه نظرة حيف ليل وصباحي
وألقي عليه دروس في عالم الذوق
ود ووفا واخلاص لين وسماحي
هاذي مبادي شوق ان كنت معشوق
عامل بها العشاق حسب اقتراحي
عشاق من غيري على غيري تلوق
يلقى معك ماراد سبل النجاحي
وانا بزيد انساك واخايل بروق
من عالمك برتاح بارض بياحي
"مدارات شعبية"