يا سيدي سلطان حياك حياك
حياك ربي يا كريم الشمايل
أهلا هلا بك عد ما سارت خطاك
واعداد ما قدمت جزل الفعايل
وإعداد ما مدت من الخير يمناك
على الشعوب أفراد والا عوائل
يا طيب السيره بطبعك ومبداك
سمح القبال ولك فعول ودلايل
يا الفيصلي يا المقرني ياولد ذاك
اللي حكمها بالسيوف الصقايل
عبدالعزيز اللي حكم نجد سماك
سلطان عزالدين ضد النكايل
للخير خير ولاهل الشر سفاك
حامي وطنا بالدروع الثقايل
قايد اسطول الجيش للأرض دكاك
لا ولّعت للحرب نار الفتايل
لك موقفٍ يشهد به اصحاب واعداك
دون الوطن ضد العقول الغلايل
وطبع الكرم يا سيدي من مزاياك
كريم عايش في كرمكم قبايل
يا مقدم البيضا على كف يمناك
مدات جودك من خيار العدايل
انا احمد الله واشكره يوم عافاك
اجر وطهور وباقي الشر زايل
تلقى الجزاء يا سيدي عند مولاك
عساك تسلم من جميع العلايل
تبقى ذخر للشعب وملوك شرواك
سربة عيال العود من عقب وايل
بقيادة العاهل على غاية مناك
فهد الفهود ولا نبي له بدايل
وولي عهده بالمعادين فتاك
عضيد ابو فيصل كريم الخصايل
عز الوطن والشعب في عزم وادراك
يعيش ابو متعب عريب السلايل
"مدارات شعبية"