يامير ياللي وافيات خصايله
وبالخير والمعروف تذكر فعايله
يامستحق المدح والقدر والثنى
على كل طيب فيه يمناك طايله
وافي خصالك صعب بالشعر حصرها
على كل شاعر بالثنى فيك قايله
على كل نهج للمراجل الياطرى
على الناس قالوا ذاك سلطان نايله
سلايل معزي معتلي هامة العلا
صقر الجزيرة نعم والله سلايله
عبدالعزيز موحد الدار ليثها
على أهل الجزيرة ضافيات جمايله
عساه في جنات عدنٍ ومنزله
باعلا جنان الخلد ظل ظلايله
عقب لنا اللي مانبدل بغيرهم
بجاه الذي ماخاب عبد يسايله
فروخ الحرار اللي مواقع وكورها
على راس عيطاً في فضا الجو طايله
منهم هديب الشام سلطان سيدي
أخصه بمعرفتي بزاهي فعايله
من غير حقرانٍ بآل سعود كلهم
هل العز نعم البيت فردٍ وعايله
وخصيت من شرفني الله بخوته
عشرين عام غامرتني فضايله
مخاويه يلقى حشمته من تواضعه
يغمره بتقدير ويرفا خمايله
طليق حجاجه خف نفسه يشوفها
جليسه بوجه بسمته ما تزايله
حميد السجايا راعي الجود والوفي
ملاذ الضعيف اللي قسى الوقت غايله
جميع المراجل حاشها واتصف بها
على كل منحى طيب تكمل كمايله
سماحه وطيب وعز نفسٍ يصونها
عفاف وتقى في نور وجه دلايله
عسى الواحد اللي يعلم السر والخفى
يفكه من إدراك الزمان وغوايله
ويبقيه ذخر للمواطن يلوذ به
فقير ومريض ومبتلى الغرم شايله
ويتامى وأرامل في جنابه غدا لهم
ولي يعول اللي شكى فقد عايله
بقصرٍ تجيه الناس من كل منطقة
عن قاصده مافيه حجاب حايله
مشرع الأبواب من يوم شيده
يلقى به الترحيب من كان جايله
حليف الندا ليث الوغى مرهب العدا
اليا كبرت الأخطار كبرت صمايله
أبا الجود به ميزات يندر مثيلها
مثل الحيا تتبع تواليه اوايله
وافي مثل أبو خالد بفضله وميزته
يشح الزمان ولا يجود بمثايله
"مدارات شعبية"