يا الله يا هادي القلوب الحيارى
أنجد قلوباً بيدتها الملمات
ضاقت ولا قر لعناها قرارا
كن الزمان يحزها بالرهيفات
راس المقدي ذا الزمان استدارا
ضيع دروبه في عسير المتاهات
شفنا غثا الدنيا جهاراً نهارا
تبدلت بالغم عقب المسرات
يا ليتني قد عشت وقت توارا
واليوم ياليتي من عداد الاموات
قامت مقابيس المصايب تبارا
وناراً تشتعل عقب ناراً مطفاة
قامت تلاطم مثل موج البحارا
وعشنا وشفنا للقيامة علامات
بئس الزمان اللي هوى الانكسارا
لو به شموخ في ليالٍ قديمات
عقب الستر قصت ضوافي الستارا
قامن عليه المايلات المميلات
اللي حياهن عجل الاندثارا
الغاويات الذابلات الضعيفات
اللي غدن لعبة بيد النصارى
وخلن حضارتهن لمسخ الحضارات
جتنا البلاوي من بعيد الديارا
يعرض علينا الخزي من خلف شاشات
الناس تجلب يمنا كل عارا
وحنا تبعنا ولا عرفنا التبيعات
دارو علينا مثل دور السوارا
غطوا سمانا بالسفه والتفاهات
يعصى الإله بكل وقت جهارا
والله عليم الخافي بكل الاوقات
يدرون عنا باللقا مانجارا
وأركوا علينا بالفتن والضلالات
المنكر أصبح سهل ما ينتدارا
كلن يغني لين ضعنا فالاصوات
ود العدا هتك الستر للعذارى
وحنا يبونا عابدين الملذات
يبون حرية؟ وحنا الحرارا
حرية ما هيب تبع المعيبات
ولا منها قامت ومعنا القرارا
هيهات يدركنا العدا والف هيهات
يبقى الحيا مع مدنيات الخمارا
الطاهرات المؤمنات العفيفات
ودين الله نعجل له الانتصارا
وترفع لنا الراية بروس الطويلات
"مدارات شعبية"