وداع يا سلمان يا حر فرقاك
دمعة وداعك دم.. والحزن واجد
في غيبتك عزّت على الروح سلواك
أذكرك رايح جاي.. راكع وساجد
من وين ما أطالع أناظرك والقاك
دايم معي في كل شي متواجد
ما غبت عن عيني ولا غاب طرياك
لولاك ما هلّت دموعي بدايد
عز الله إنا يا بو خالد فقدناك
خذتك يا سلمان منا الشدايد
يا الله يا سامع رجا من ترجاك
يا كاشف الضيقات يا خير شاهد
عفوك وغفرانك وجودك ورحماك
باشر بها اللي راح عنا فقايد
صحيح يا لغالي رحلت وفقدناك
وشفناك يا سلمان فـ عيون خالد
"مدارات شعبية"