وش التهاني كان ما جيت أهنّي
أقدس وطن وأغلى وطن سيد الأوطان
بلسان حال مواطنٍ عند ظنّي
بأعطيك عنه بمنطق الصدق برهان
في يوم تأسيسك خذ العهد منّي
أجدّده باخلاص مع مرّ الأزمان
تاريخك اللي في سنين مضنّي
بحرف الذهب يكتب مؤسّسك عنوان
غارات أبو تركي لعينك تشنّي
على العداوه والجفا بين الأخوان
وعلى الجهل والفقر ما هو يونّي
يبغى المواطن آمن النفس شبعان
يدٍ تهوش ويد فوقك تبنّي
حتى بفضل الله رست كل الأركان
واليوم في ظل الفهد تستكنّي
وفي ظل عبد الله وفي ظلّ سلطان
أقلّ واجب أدعي الله وأثنّي
يصون داري عن غثا كل شيطان
يا موطني ما نحتميك بتمنّي
إلا بجلب أرواحنا عند الأكوان
من يومها سيفٍ وقباً تعنّي
إلين صاروخٍ وبندق ونيشان
والله ما ياطاك أنسي وجنّي
وسلاحنا وحده وعزمٍ وإيمان
باجمل علاقه صرت كنّك وكنّي
قلب ثرى مخلوق في جسم الإنسان
مواطنك في كل عزّ متهنّي
مرفوع راس ويفتخر بين الأقران
عدوك البيّن يموت متعنّي
وعدوّك الخافي إذا عاش خسران
ما أنّاب نرضي فيك ظلم وتجنّي
ولا غلو خاين ولا حيف عدوان
وما نقبل عيال الكفر بالتبنّي
اللي لهم في العلمنه فكر ولسان
لنا السلف قدوه على نهج سنّي
منهج وسط بين المذاهب والأديان
والحمد للي نعمته ما تمنّي
شعبٍ بأمجاده وحكمٍ بقرآن
أنا السعودي ردوا العلم عنّي
حب الوطن وقيادته ما له أثمان
"مدارات شعبية"