بديت باسم اللي عليه اتكالي
الواحد الفرد الصمد عالي الشان
ومن بعد ذكر الله عظيم الجلالي
عساه يجعل لي من النار مزبان
ومن بعدها ببدع جزيل المثالي
فاللي لهم في قمة المجد عنوان
آل السعود اللي رقوا للمعالي
يستاهلون المدح في كل الازمان
اخوان نوره وافيين الخصالي
حصن منيع وقت روغات الاذهان
منهم أبو فيصل كريم السبالي
رجل المواقف ما يبي القول برهان
أنا اشهد انه طايل كل عالي
رمز الشكاله دوم للعدل ميزان
امفرج الضيقات أول وتالي
من طيب فعله يذكرونه بالاحسان
مثل الصقر وكره بروس الجبالي
يشهد له التاريج من روس شجعان
هذا المليك اللي على الناس غالي
منوّخ الباطل تحت حدّ شامان
ومنهم أبو متعب زبون الرجالي
عبدالله اللي بالوفا صار نيشان
ولي عهد الفهد ريف الهزالي
عون الضعيف اللي عليه الدهر شان
رجل العظايم صدق لاجا مجالي
شهم كريم ما يقدّر بالاثمان
والنايب الثاني حميد الفعالي
صيته شهر بالطيب في كل الاوطان
اللي رقى بالجود روس الطوالي
شيخ يروم الطايله طير حوران
سلطان شيّال الحمول الثقالي
اللي سطع ذكره كما البدر لا بان
نسل المليك اللي فعوله جزالي
عبدالعزيز اللي ملا قلبه ايمان
اللي غدا للناس مضرب مثالي
يا الله عساه بجنة الخلد ربحان
والختم صلوا عدّ ذري الرمالي
وعد الزهر واعداد ما هلّ هتان
على النبي راع الوفا والكمالي
محمد المبعوث من نسل عدنان
"مدارات شعبية"