حملتني ذنب ولا ادري بالاسباب
واقول وش ذنبي ولابه إجابه
كانك تدور حجة ففتح الباب
وقل لي أبي فرقاك ببلا طلابه
لا لا تعلقني على وهم جذاب
قربه يشابه في عيوني غيابه
صبري معك شمسه على حروة غياب
دوافعه قلب تجدد عذابه
تتعبه ويتعبني.. وأنا أعض بالناب
في بسرة إبهامي من اللي سطا به
أقولها صادق ولا نيب كذاب
القلب مل وحامله مل ما به
يا قلب دام الترف قافه معك شاب
اكسر قلمك وكف عن هالكتابه
ضعف العقل ما يستره شمغ وثياب
وبيتٍ خلا ما ينفعك طق بابه
وأهل القنص ما قد غذوا بوم وغراب
وما يروي الظامي لميعة سرابه
قل له في أمان الله وابعد عن الداب
وبرق سرى لياك تطرد سحابه
لا صار لك بايع فلا ينفع عتاب
والكل يصبر لين يسلا صوابه
"مدارات شعبية"