عسى القصيد ان ما شفى جرح راعيه
تطغى عليه الثرثره والسماجه
ان ما رثا لي عاقل الزيد ما بيه
اخير من نظم القصيد اللجاجه
ان ما سرى شعري وروح محاريه
عز الله ان الشعر عندي هماجه
تضيق نفسي كل ما جيت ابرثيه
وشلون ابلبس سيد الشعر تاجه
ضاق الفضا من ضيقتي يوم اناديه
وضيقت ناس مالهم فيه حاجه
الله من دمع جرحني وانا ابكيه
والله من عين دواها المواجه
لو مات عاقل زيد تبقى مباديه
طيبه وفعله وانطلاقة حجاجه
يا الله يا من كل خلقه تناجيه
لاضاقت الدنيا عليك انفراجه
تجعل مقره جنة منك ترضيه
عبدك وعندك يا الهي وناجه
وتجبر عزا عود بكى شوف غاليه
وسلطان يبقى شعلة في سراجه
"مدارات شعبية"