ما جيت يمَّك أطلب اليوم تبرير
ولا جيت أبشكي لك زمان الهواني
شفت الأذى منك ومن دون تقصير
زدت الجروح اللي سببها حناني
الحزن في قلبي تعدَّى المعايير
من طيبتي ضاعت جميع المعاني
النفس طابت ما تبي منك تفسير
لا تحسب اني أرتجي من عصاني
ما جيت أبي منك محبه وتقدير
حتَّى ولو دمعك وقلبك دعاني
أبشرك قلبي من غيابك بخير
رغم الجروح اللي بكتها الأماني
هذي هي الدنيا وهذي المقادير
قلب الوفي يبكي جروح الأناني
"مدارات شعبية"