هب الهبوب ودق بالنفس هوجاس
هيض علي ما كان خافي بحالي
يفز قلبي فزت الطير قرناس
لا شفت أنا الطيب وزوله طرالي
الطيب طير وهدته ترفع الراس
ولا كل طير طار جاب المنالي
إلا ولد حر على قيس ما قاس
يضرب بكفه صاطي للمعالي
لا من طلع للجو تحبس له أنفاس
ويرتاح خاطر صاحب منه تالي
ترى الوفا للحر عاده وله ساس
ما يارد حياض الردى والحثالي
من فضل رب الكون ما عندي عماس
لا من دعيت الطيب هلا وجالي
حنا شرينا الطيب من كل الأجناس
نسوق لأجله كل غالي ومالي
متوارثينه للوفا عندنا باس
طلابة العليا وفيها نغالي
غلطان يا مناظر غلا سيد الناس
خسران تايه راي مالك مجالي
"مدارات شعبية"