أبشري يا نجد جاك اللي تبين
جاك منهو يسبق الجود بعطاه
جاك أميرٍ قرم صلبٍ ما يلين
في كتاب الله وسنة مصطفاه
جاك أبوخالد على اللي تشتهين
صحته في زود والخالق شفاه
اطردي الأحزان لزمٍ تفرحين
شرّفك سلطان وارخص لك عناه
مرحبا يا راعي السيف السنين
فوق راس اللي تمادى في خطاه
ومن حداه الوقت يبشر له معين
في ذرى سلطان يلقى مبتغاه
لاعتزى سلطان ليثٍ في عرين
وان سخى ما مثل سلطان بسخاه
حكمةٍ في الراي منطوقٍ رزين
لا حكى قوله يبين ما عناه
راعي الطولات والحبل المتين
واصلٍ بالطيب ما نلحق جزاه
كم ظليمٍ ما لقى غيره زبين
وكم يتيمٍ سيدي يطرد شقاه
وكم مريضٍ يرفع كفوف اليدين
يدعي اللي ما يردّه لا دعاه
سيّدي لا من لفى دارٍ تزين
ظلها سلطان يبشر من نخاه
"مدارات شعبية"