يالموت ما خذت لك لاشٍ ولد لاش
أخذت قرمٍ من خيار الرجالي
اخذت ابوي اللي على الطيب معتاش
هيفٍ والنعاج وريف صفر الدلالي
عوق الخصيم اللي من الزود بناش
وعز الخوي والجار في كل حالي
مرحوم ياللي للمواجيب شواش
عسا الولي يرحمك اول وتالي
عسا جنان الخلد تصبح لك فراش
بأمر الله القادر عزيز الجلالي
عزّاه يا حالٍ من الهم منداش
لو كان وسط الناس كني لحالي
وعين تكض الدمع من فوق الارماش
والسهر فيها تو جاله مجالي
منساك لين اطويق يرحل لعكاش
وجه البسيطه صار مابه جبالي
تم الكلام اللي بنيته على أش
شطرٍ على أش وشطرٍ مبني على آلى
وصلاة ربي عد ما يمطر ارشاش
على شفيع الخلق واثني مقالي
"مدارات شعبية"