نويت اجيب القاف من دون عايق
قاف تغنيبه من الناس الاشراف
لأجل الوطن رايق ورايق ورايق
مستحضرٍ لاجله جميلات الاطياف
حب الوطن بالقلب ما هو بضايق
غلاه مغروساً بعد عصر الاسلاف
بالدم يمشي لو تشب الحرايق
نفداه برواحن شجيعه ولا تخاف
عهداً نعاهد به جميع الخلايق
والله كذلك نشهده رب الأعراف
ونعاهد أبونا الفهد راس لايق
قايد مسيرتنا عسى عمره أولاف
وأيضاً فبو متعب نعد الحقايق
الحاكم اللي للوطن دوم ميلاف
وسلطان جعله ما تجيه العوايق
للجيش قايد يا الله أنك له اتشاف
آل السعود معدلة كل تايق
إلى جا نهاراً فيه حاذف وحذاف
كسابة العليا بفعل وثايق
راقين هامة مجد في كل مشراف
تاريخهم ناصع بكل الطرايق
محكمين الشرع في كل الأهداف
حامين مكة وللمدينة عشايق
وكل الجزيرة كلها مدن وارياف
الأمن فيها مستقراً وفايق
نعمه من الله جعلها دوم تنشاف
لكن قام اللي يعط النهايق
منعم بها يسعى على فعل الأسراف
فعله عقيمه من فعول البوايق
ناسا بليا عقل تمشي بالاحراف
معاملين الكفر قوم عقايق
ضد الوطن والدين في هدم الأطراف
محملينه من قنابل وسايق
مشغف على ذبح العقيده والاضعاف
خوفوا من الله واتركو هالزلايق
زلايقٍ تدخل على النار يا كاف
وأن كان ما تبتوا ترى الحد طايق
حكم الشريعة فيه والسيف لحاف
على الرقاب اللي تشيل الترايق
يقصها ما باقين غير الأكتاف
هذا جزاء الفاسد ولا به فرايق
حنا سوا شعب وحكيم وميقاف
"مدارات شعبية"