غركم مظهر جمال (البرتقاله)
ما عرفتوا وش حسبها من نسبها
لو بها حشمة وتخضع للعداله
كان بين الناس ما هزت (خصرها)
هافي اصله وعمه واخواله
همها ترقص وتلهى في طربها
الجهالة من يناظر هالجهالة
ما يميز وش محرم من رجبها
واحسايف كيف يخدعكم جماله
والبضاعة كل شراي قلبها
البنات الحور في نجد الاصالة
الحيا والستر من ربي وهبها
الفخر والدين ما هو بالخمالة
والنحاس نحاس يفرق عن ذهبها
شف بالي واحد مبغا بداله
عرضها مصيون ما زول سلبها
ما مشت عريا وداجت بالبقاله
العقل والدين هو غاية طلبها
والله اني كلما شفت الرذاله
كن جوفي يصهره حامي لهبها
حالة صرنا بها ما هيب حاله
العقايب لا تجينا من سببها
النمل لا طار ينذر في زواله
كم ديار منعمه ربي نكبها
مثل جنة عاد يوم الريح جاله
صب ربك فوقهم حامي غضبها
العرب غنت على يالال لاله
والقدس تبكي وتنخي في عربها
صارت اسرائيل تقتل بالعماله
الشجاع من العرب منهو شجبها
يالله احفظ دارنا مهد الرساله
من امور تشعل النار بحطبها
"شواطئ"