يا شامتٍ بالناس غلطان غلطان
ترى الشماته من كبار العذاريب
مالك ومال افلان وفلان وفلان
جنب وخل الناس لايصيبك العيب
احمد لرب الكون خلاق الإنسان
اللي حباك بخير وارشدك للطيب
خل الشماته لاتجي درب حقران
تراك تبلى دون شكٍ ولاريب
ترى الشماته راعيه دوم خسران
بالفانية وبيوم مافيه تكذيب
يوم القيامة والتغابن والاحزان
يومٍ به الولدان من هولته شيب
كم واحدٍ شفناه بالناس شمتان
ولاشاف منها غير حسره وتتبيب
اقرأ وطبّق ماورد يا بليهان
نصيحةٍ توصلك عال المراقيب
تم الجواب وزبدة القول نيشان
والحر تكفيه الإشارة بلا ريب
وصلاة ربّي عد همّال الامزان
على شفيع الخلق يوم المواجيب
نبينا محمد هدى كل حيران
ودعا لدين الله بحكمة وترغيب
"مدارات شعبية"