غايب ولادري وش حصل عقب ما غبت؟
بشر؟ عسى غيابي ماهو جايز لك
كم لك وأنا كم لي معك ما تجاوبت
ماهو جفا مني ولكن رضالك
من حقي أسأل يوم عنك تغربت
عقب البطاء مدري وش اللي حصل لك
(هذا السؤال) اللي منه قد تهربت
وإلا أنت من مبطي وأنا قايل لك
ماني بعارف ويش وديت وش جبيت
فرض الحقايق لا يغير هوى لك
يا كثر ما قلت أنتبه حين جنبت
قبل النهار اللي يعزك يذلك
واستغفر الله كان في قولي أذنبت
وانته على اللي صار ربي يحلك
أقولها لك من هنا يوم جربت
مريت فيها قبل أجيك بمحلك
ابديت لك عن طابع الشك مارتبت
منعت منهو نيته يستغلك
ماهو خساره لو على شأنك أغضبت
كل العيون اللي بدأت ما تملك
من شأن ما تجهل لو أخطيت لو صبت
اللي حفر لك بعدها دافنٍ لك
"مدارات شعبية"