متى بجدول مواعيدك أصير اليوم أو بكره
متى تحرر من الماضي من امسك واقدر اوصل لك
متى يا واقعي الأجمل أصير بدفترك فكره
تجتاح أعماقك تسيطر على قلبك وتحتلك
طموحك، شغلك الشاغل، وطيب فعلك وذكره
حبيبي، باختصار القول، أكونك - مهجتي- كلك
تعبت أسأل ولا تسأل وأنت القلب تحتكره
أخاف بآخر المشوار يجي له يوم ويملّك
تراني يمكن بلحظة أجيك بكل ما تكره
واغيب اغياب يرفعني بعيدٍ عنك ويذلك
حلقت بجوك البارد يا صقرٍ تاه عن وكره
فراغ الصمت والحيرة وضياع افكارك يشلك
وقلبٍ سلمك تاج الغلا ما ينتظر شكره
يبي يسمعك تتكلم وتسعد بالحكي خلك
أبي تشعل سواليفك بقايا جذوة الفكره
وتبقيها لهب يضوي دروب الحب ويدلك
واعود لك فرح يلغي بنوره كل ما تكره
مادامك يا بعد عمري بحبك جيتني كلك
"مدارات شعبية"