عزفت الجرح من صدك ونين القلب غنالك
دخيلك ثارت اعصابي غيابك دمر احساسي
أبي اعرف وش القصه وش اللي دار في بالك
تغيب وغيبتك فجأه عقبها ثارت أنفاسي
ابي علمٍ يطمني أبي اسألك وش حالك
أبي صوتك ولو همسك دخيلك يابعد ناسي
أحس النسمه بقربك وأحس الضيق غربالك
واحس الضيم في بعدك وهذا حال هوجاسي
عجزت اركض ورا ظلك حنين الشوق نادى لك
طموحي اني أوصلك بلاني قلبك القاسي
تعبت اركض ورا العالم تعبت أنشد عن أحوالك
أثاري والله العالم شموخ الراس منداسي
عقب عزٍّ يهزّ اللي سعى لك يطلب وصالك
لبست الذل من عقبك تغيّر بالهوى ساسي
ابعلنها واقول بصدق انا من غيبتك هالك
مثل لو كنت انا التاجر فانا بعلن لك افلاسي
"مدارات شعبية"