يا متابع الموروث شف وش جرى اليوم
موروثنا الشعبي لعب به زمانه
أصبح كما الكوره تلاعب به القوم
وضاعت قوانينه وزلزل كيانه
سلبت حقوقه واصبح اليوم محروم
ولا احدٍ فزع له يوم جته الاهانه
يصيح باعلى الصوت مظلوم مظلوم
وين الرجال اللي تصون الامانه
ما يجحده يا كود ظالم ومنجوم
والا ردي مبتلي بالخيانه
هذي حقيقه واكثر الناس مهموم
يقول اشوف الشعر ماله حصانه
يحتاج له منصف والانصاف معدوم
ما دام كلٍ مطلق به عنانه
من جا مجال الشعر مجبر وملزوم
ما ينقصه يزيد قدره وشانه
والا يجنب عنه ويصير محشوم
ولا احدٍ يلومه لو يرخي بطانه
وترى وسيع العرف ما يلحقه لوم
إلى نطق ينصف بمنطق لسانه
يحسب حساب الشعر والشعر معلوم
من ماضي الدنيا رفيعٍ مكانه
"مدارات شعبية"