قريت انا وسط الجريدة مقالين
وبغيت انا اعطي الراي في اللي قريته
الدهمشي عاتب وعنده براهين
انه يقول الشعر وانذاع صيته
يالدهمشي بهديك مني سلامين
شاعر ولاحد جاحد ما عطيته
فيا شاعر الباحه ترى به قوانين
تمنع قصيد زين لوِّك بغيته
قصيدة تنقال عند القريبين
وعند الذي نفسك تبيه ورضيته
وقصيدة تنشر على اللي بعيدين
يقرا بها القراي وانا قريته
واختامها هاذي الجزيره من سنين
الصدق والانصاف فيها لقيته
وتمتاز بالمنطق وحسن العناوين
يصعب عليَّه وصفها لا بغيته
الراي قلته في قصيده وبيتين
قصدي بها خير من الله رجيته
"مدارات شعبية"