شفت الليالي سود قمت وذكرتك
طاريك بددها وقربك اسرها
رفعت راسي والحقيقه شكرتك
وعليك بصمت النجوم وقمرها
سامح حبيبي لو كتبت ونشرتك
مررت طيفك للورق واعتبرها
المعذره لاصغتها واختصرتك
وانته حبيبي عاد لا تختصرها
خل الليالي ترتجف لافتكرتك
تفز لاشافت خيالك عبرها
يومك تحراني انا منتظرتك
جيتك على كف السنين ودهرها
قيد الشموع بحضرتي لاسهرتك
خل الليالي تنتظر في شهرها
طالعت فالعالم وساعة نظرتك
هذي همومي ودعت واحتضرها
وردي قطفته وانت هذي زهرتك
العين درعك والمتارس حورها
انتي ربحتيني وانا ما خسرتك
وسوالف الماضي حبيبك قبرها
واليوم مرّر غلطتي لاعذرتك
وآثار ماضينا تفضل وزرها
وان قلت واسيني انا ماجبرتك
شيً بنفسي والرجال وقهرها
"مدارات شعبية"