يا صاحبي قلي عن أسباب هجرك
هذي سنه مرت وأنا فاقد الصوت
إن كنت أنا الغلطان مقبول عذرك
بس البحر ما ظنتي يزعل الحوت
قول الخطا لا تكتمته جوف صدرك
احرمتني من لذة النوم والقوة
يمكن خطاي إني تحملت غدرك
ما هو خطا اللي هدد الروح بالموت
والله لو صبري بقا مثل صبرك
ما عاش قلبي بين الأضلاع مكبوت
اليا نسيتك فاح بالجو عطرك
يا نفحة النردين.. يا نفحة التوت
نصف الجمال لرمش عينك وثغرك
والنصف الآخر حول الأوجان مكتوت
ولك صورة تبقى على طول عمرك
من تحتها اسمك صار بالقلب منحوت
وكن البراءة من محاصيل بذرك
براءة المولود يضحك لكتكوت
وضعت فوق الراس يا زين قدرك
وفي وسط قلبي لك مسارات وبيوت
ليتك تدش القلب وتشوف قصرك
في جوّه السحري ولا جوّ بيروت
والمشكلة لو مت بيكون قبرك
صار النعش شريان والقلب تابوت
لكن نصيحة راقب اليوم بدرك
بدرٍ تحت نوره عنابر وياقوت
لاختار غيرك ثم هدم ساس جدرك
ما ينفع التصويت لا فاتك الفوت
"مدارات شعبية"