يا ضامر السرجوف ليش التغلي
ليش التغلي وأنت بالحيل غالي
غالي ولك دائم بقلبي محلي
ما جاه غيرك يا حسين الدلالي
ما جاه مزيون جنابه يسلي
غيرك ترى ما فيه زول طرالي
ما كل زولن يا الغظي لك يحلي
لا بالجنوب ولا بشرق وشمالي
انا اشهد انك بالحشا مستظلي
بظلال قلبي ما تجيك الصوالي
وابا انشدك مير انت بالله قلي
وش غيرك في ها السنين التوالي
وش غيرك يا ابو الرموش المظلي
عن عهدنا السابق بذيك الليالي
من اول لا جيت يمك تهلي
وتفرح بشوفي يا شيبه الغزالي
واليوم لا جيتك ما عاد يحصلي
الا الجفاء يا زين واعزتالي
وان كان ما غيرت طبعك ارضلي
والله لا ازيلك يا الغظي من خيالي
واقول روحي جعل زولك يولي
من تيب لي مكسب ولا راس مالي
"مدارات شعبية"