حظي رماني معك والوقت خواني
أعيش الأوهام وأحلام تقربني
العام الأول مضى مع عامه الثاني
قاسيت مر العذاب وحبك اتعبني
أشغلت فكري ومنك الحال تعباني
لا أكل ولا أشرب وحلو النوم حاربني
عذبتني بالهوى والقلب ولهاني
سلك الهوى للشقا يا زين يسحبني
حبك مشيد بوسط الروح بنياني
باقي ولا زال في وسط الحشا يبني
وش فيك ناوي بتعذيبي وهجراني
يكفي كفا ما حصلي لا تعذبني
لو جاك مما جرا لي ربع ما جاني
صدقتني مستحيل انك تكذبني
كم مرةٍ قلت لك حبك تبلواني
ما قلت لي بالصراحة ويش تطلبني
أنشهد أنك سبب همي مع أحزاني
بعيونك السود سهم الحب صوبني
ما طيع هرجة عذولٍ عنك ينهاني
ولا ظن غيرك من العربان يعجبني
"مدارات شعبية"