سقى الغيث رجمٍ كل تالي نهار أرقاه
الى صرت فيه.. أرتاح لو إني لحالي
يروح الزعل عن خاطري ثم يحل رضاه
لامني رقيت بنايف المرقب العالي
وتذكرت دورٍ ينعش الروح في ذكراه
تفاقت لياله لين ما جالهن تالي
تقافن وهفن هفة مقيط هو ورشاه
مضن بعدهن سنين وشهور وليالي
وجودي عليهن وجد من طاح بين أعداه
وصكوا عليه القوم رجلي وخيالي
فضا محزمه والجيش بالمعركه خلاه
وتولوه ربعٍ منه بكبودهم صالي
بغامزبنٍ لكن في وصلته ما امداه
وصفق بالكفوف وصاح من قلة الوالي
ولا عين رفيق يزبنه يحتمي بحماه
وجزم بالقضا المحتوم في عمره الغالي
أقوله وأنا أدري.. الكون في دبره الإله
عظيمٍ عجايب قدرته تحيي البالي
ولا كل واحد لاتمنى يجيه مناه
تدور الليال وتسقى المر والحالي
ولكن دورٍ فات يصعب على أنساه
لامني ذكرته.. زاد وجدي وأنا سالي
عسى الله يعاون كل مسلم على بلواه
من فعل السنين الجرد مفنية الأجيالي
"مدارات شعبية"