إنا لله وإنا له من الراجعون
فالكرب يا من المؤمن ليا قالها
يا كريمٍ ليا كبرت بفضلك تهون
في يدك دبرت الأسلاف وأجيالها
كل شيء تريد بحكمة امرك يكون
والنفوس أنته اللي عندك أجالها
نطلبك يا كريم الجود يا خير عون
يا مدبر هبوب النود وخيالها
جل شأنك وسبحانك عن المشركون
رحمتك يا معبود لمن تلاجالها
منك نرجي وسيع العفو للتائبون
والهداية لمن نفسه توحالها
اللهم تقبل دعوة الطامعون
فيك يا خير من تشكاله أحوالها
تدحر الشرك والفجار والخادعون
وتنصر الدين وأهل الدين وأنجالها
قولوا آمين فيما قلت يا السامعون
دعوة نطلب الله وانترجالها
وعقب هذا نويت أروي حيام اللحون
وأشرح اللي سبق شرحه من أمثالها
صرخة الطفل وأنعا أمه ودمع العيون
كارثه يستحق الردع فعالها
ناس طاعة إبليس وطولتله قرون
شاف فيها مهم وقام وأومالها
يستبيحون حق الغير ويكفرون
سيئة أفكار والشيطان مغتالها
يدعون الشهادة كيف ويفجرون
قتل الأنفس جزاه النار وأهوالها
فردهم صار فكره خاضعٍ للجنون
راح وأفكار غيره جاك مشتالها
فاقدين الصلاح وزعمهم يصلحون
القدى فالخطا كنه يورالها
لا لما يعملون ولا ما يفعلون
كل الألسن هذا المضمون موالها
ما لهم حق معنا جعلهم يذهبون
زمرة السوء فال الله ولا فالها
حقهم فالصقيل اللي يقض المتون
الشريعة نعيش العدل بظلالها
يصلح الدار الأمن ليا حصل والسكون
كلمة عطر الله قبر من قالها
قالها اللي به أهل المعرفة يقتدون
أخو نوره عسى الجنات نزالها
جعل مأواه بين الرسل والصالحون
بين خضر الثمار وزاهي أشكالها
هو ومن ساعدوه ومنهجه يتبعون
برحمت اللي يعلم الخلق وأعمالها
ويحفظ الله لنا حكامنا العادلون
هم ذرا الدار وأهل الدار وظلالها
عاش قايد مسيرتنا بكل الفنون
كل ما تكبر الفتنة تصدالها
له علينا حقوق محاربة من يخون
من قلوب يبرهن قولها أفعالها
أبو فيصل على شعبه يقول ويمون
طاعته واجبه والكل لبالها
ويحفظ الله لنا اللي للصعايب زبون
أبو متعب حبيب الدار ورجالها
والي العهد عوق الضد الأبو الحنون
كلٍ ميزه طويل العمر يزها لها
يا كريم العطا منشي ثقيل المزون
احفظ اللي بلاده حقق آمالها
وعد ما طوح القمري بعذب اللحون
نذكر اللي عباده يعلم آجالها
"مدارات شعبية"