تبكي بيوت الشعر ببحور ممشاها
ستة عشر بحر والسابع مغيبها
شعر النبط في بحوره صعب احصاها
تبكي على شاعر يعرف مراتبها
تبكي على شاعر خابر لمجراها
امواج بحره مع الغبّه يلاعبها
مرحوم ياللي جبال الشعر عدّاها
عدى الجبال الصعيبه في مراقبها
هواش كل المراجل ماح لرشاها
على عدود الروي منهل مشاربها
فقيده لحرب حربٍ في مسماها
ونجد عرفت شاعرٍ عارف مطالبها
نجمه تبيّن مع نجوم وشفناها
يوم النجوم قدحت باقوى مشاهبها
يسري مع نجوم بعادٍ بمسراها
يطلع مطاليعها لا غاب غايبها
مواقفه بالشجاعه دوم يحماها
صلفه هبوبه الياهبت هبايبها
العالية دايم يرقى اليا أعلاها
بالماقف الصعب ياقف في نشايبها
دايم مثبت الباروده بمرماها
لاطق لزنادها بالماد صايبها
ينقض بيوتٍ ويفتلها بمعناها
ينقض صعيب القوافي ثم يصعبها
المرجلة تعشقه والشبل يهواها
يمشي على الكايده ماهو بهايبها
مرحوم ياللي علوم الطيب ينصاها
الطيب والمرجله بيديه قاضبها
"مدارات شعبية"