كفاية ما بقى ظن بضميري سبتك ما خاب
كفى لا عاد من يوم سبب جوره من أسبابك
جرئ بكل ما تفعل تروح وما تحسب حساب
تساوت عندك الضحكة على عداك أو على احبابك
أناني عاشق الراحة ولا تسأل عن الأحباب
سلو وإلا بكوا ما همك إلا روقة أعصابك
صغير مسوي فاهم وعمرك بالهوى ما شاب
بقالك كثر عمرك خمس مرات ويهقابك
وأنا لا نيب شمتانٍ عليك أو حاقد أو مغتاب
أقول الهرج في وجهك ولو تبغى على بابك
وأنا ما عادني جاهل أطوف غلطة اللعاب
خذيت اللي به كفاية من دروسٍ على حسابك
أحبك لو ما أحبك ما كتبت لخاطرك بكتاب
أبيّن لك معاناتي وحزني فترة غيابك
وأنا من كثر ما أحبك شرهت وثارت الأعصاب
تقبلها شره غالي يحبك ما تهنابك
أبا أسألك أنت ما تدري؟ غيابك كالقمر لا غاب
وعلام الوقت يالغالي خذاك وراح وابطابك
دخيلك لا تخليني وأنا في عشقتك منصاب
أنا في عشقتك أولى ولا خبل يتلهى بك
"مدارات شعبية"