ما عد يمدي القلب يومك جرحتيه
يصرخ ولا حتى يحس بعذابك
يا دنيتي ليه الشقا لي نصبتيه؟؟
حتى على البسمة يجيني عتابك!!
قلبي عن الفرحة بيدينك طعنتيه
والدم مني سال واروى ترابك
ما ترحمين القلب يومك خنقتيه؟
غلطان من حبك ومن هو شقابك
مسكين قلبي ما لقى من يعزيه
في موتة الطيبة قرينا خطابك
قبري من آلامك وظلمك حفرتيه
كل الأماني ميته عند بابك
ليه البكاء ليه العنا والألم ليه؟
ليه السؤال يموت وما أسمع جوابك؟؟
أعيش بأسبابك معاني من التيه
لا قلت هذا الدرب اثره سرابك
ليتك ذبحتي القلب وإلا تركتيه
خالي ولا جرب هناك وعذابك
"مدارات شعبية"