انس الزمان وحط عينك بعيني
دامك معايه لا تضيع الثواني
ما دام تزرع أحلى الأحلام فيني
وما دام شوقٍ في عيونك دعاني
لعطيك روحي والقصيد بميني
واكتبك شعرٍ في كتابي وأغاني
وارسمك لوحة من حنان وحنيني
وأسقيك لاما ترتوي من حناني
يا غادتي والشوق كتب بجيني
تقرا عينك ينزرع بك أماني
تقراه عينك يكتبنه يديني
وغناه عصفور بحدايق زماني
بعيونك اقرا حلم عشته سنيني
حلم طفولي بالبراءة كساني
يا حلم عمري ونرجسي وياسميني
ويا حلم عيد بعز حزني غزاني
جيتي ومسحتي كل حزنٍ بعيني
يا غادتي بس لا تضيع الثواني
"مدارات شعبية"