أشوف في عينك لحزنك تفاسير
عينك تعلمني خفيات الأسرار
من نظرتك حللت بعض التعابير
قريت فيها ما حصلك وما صار
فكرك مشتت.. وأشغلتك التفاكير
شكلك يقول: إنك عليك الزمن جار
عطني همومك كلها دون تأخير
وأشيلها عنّك لو احمولك كبار
لا تعتذر ما به للأعذار تبرير
ماني بقابل لو تعذرت الأعذار!
ما تدري انك.. لك محبة وتقدير
وإني على نفسك؟ من همومك أغار
تطوي عليّ بلذة النوم.. ويطير
شفتك!! وعن عيني لذيذ الكرى طار
وعبرت عن ماكنه القلب تعبير
قصيدةٍ عن حبنا موجز أخبار
واللي حصل.. عله عن الذنب تكفير
تخفيف لذنوبك وتسلم من النار
ارقد وخل الهم تصبح على خير
واتركني أخذ لي.. مع الهم مشوار!!
"مدارات شعبية"