يا ناس عندي راي والراي بهديه
نصيحةٍ لأهل الوجيه الفليحه
نصيحةٍ للي فهيمٍ توعيه
عساه يقبلها ونذبح ذبيحه
يا شارب الدخان ليتك تخليه
ليتك تطيع اللي عطاك النصيحه
هو المرض وأنت الذي صرت تشريه
راعيه دايم منه كبده جريحه
رح للطبيب وينصحك عن بلاويه
حتى تعرف ان النصيحه صحيحه
ما ذكر فالشيشه فوايد ولا فيه
الشيشه اللي ريحها مثل ريحه
خسارةٍ فالمال والقلب تكويه
خله قبل يصير لك منه طيحه
أحرقت جوفك ليه يا صاحبي ليه
راعيه دايم وانت توحي كحيحه
يصعب عيه الدرب لا جاء بيمشيه
وإلى مشى مترين توحي فحيحه
لو فيه خيراً إن كان منتب تخفيه
محداً كسب له فايده من مديحه
القلب لا منه مرض من يداويه
ما عاد ينفع لو يصوت بصيحه
من مات ما فاده ولو صاح ناعيه
ماله جدى الا قولت الله يبيحه
ومن تاب جعل الله بخيراً يجازيه
الله يدخله الجنان الفسيحه
لا صرت مسلم فرض ربك تصليه
ان شاء الله انك تستمع لنصيحه
"مدارات شعبية"