التغلي صار موضه وصداتك موديل؟
كل ما قطيت كلمة كذا رحت وزعلت
والهدف مدري تبي رجعتي خاضع ذليل
او تبي تهرب من الواقع المر وفشلت
كان تبغي ذلي انساه ثامن مستحيل
وكان تبغى واقعك ذاك ذكرتك وقلت
خذ كلام الجد ماهو من حكي قال وقيل
عادتي لا قلت حكيٍ بمضمونه فعلت
والله ان تبطي ولا شفتني راجع هزيل
ووالله ان تبطي وانا عنك سالي ما سألت
جاهلٍ حظه رمابه بمضمونه الحصيل
انت تجهل ما علمته وانا اعلم ما جهلت
تجهل اني كنت اعزك وكنت اغليك حيل
كنت عالي بالحشا لكن بفعلك نزلت
واعلم انك ما تعامل معاملة الخليل
ودك تنول الكرامة ولكن ما وصلت
عشت بالدنيا ثقيل وبودعها ثقيل
ثقل عقل ولا هو بثقل طينه لا ثقلت
رح مدام ان التصدد بتفكيرك موديل
ولا تحرى كلمة اسف ولو رحت وزعلت
"مدارات شعبية"