الله أكبر يا زعيمة قافي وبيت القصيد
يا للي تحملني حمول كايده واشلها
لي خمسة أعوام وأنا ما شفت بالعيدين عيد
روح العنا تشكي العنا بسباب فرقا خلها
باسباب فرقاها كتبت القاف بسلوب جديد
فاللي خذتني بالعيون وضحكة ما املها
الزين كله والحلا والله يفعل ما يريد
سبحان رب صانها وخلا الحلا رمز لها
حب نشا بالقلب ويغذا مع دم الوريد
ينبض مع شريان قلبي والعروق احتلها
لو خيروني قلت ما عنها صدود ولا محيد
وحالي ومالي كلها تحت امرها وفدالها
منها العذارى تنقهر واقول ذا علم وكيد
فيها الجمال اليوسفي والزين فيها كلها
يفز قلبي كل ما هز الهوى غصن الجريد
وتحرك اغصان الغلا واقول جت في حلها
قولوا لها عيدي ترى من دونها ما هوب عيد
ويا لله عسى كل القصيد اللي كتب يوصلها
"مدارات شعبية"