توسّد يا خفوقي وانس ذاك الهم والتنهيد
توسّد دام ذيك الشمس في كبد السماء حيه
كفايه ليلة البارح وأنا والهم ايد ابيد
كفاية والسبب بنتٍ هواها ساقن لغيه
غريبة والغلا للي ذبحني كل يوم يزيد
غريبة حالتي وأنتي رغم هالعشق منسيه
أحبه حسبي الله ليت ما شفته بيوم العيد
ولا حديت عمري لاجل اعيش برحمة بنيه
أنا ما كنت أظن إني إلى هالحد بالتحديد
يوديني وله قلبي غصب عني إلى حيه
كأني من وصل حد الجنون وحافة التشريد
كأني بالزمن يكتب لي الأحزان حتميه
عسى ما هو عنا قلبي يكون الموتتي تمهيد
وعسى الله يكتب اللي صد عني يوم في جيه
أنا ما قلت يا قلبي توسد واترك التنهيد
عسى منتب بعد ناوي على ذاك السهر نيه
"مدارات شعبية"