يا شلة قادها الشيطان مهزومه
هزيمة ساحقة نضمن نتائجها
حتى ايش لو تزرعون الأرض ملغومه
ضاقت عليكم وقفلنا مخارجها
نهاية الظلم والافساد محتومه
ان طابت انفوسكم وإلا نعالجها
أفكاركم من بني صهيون مسمومه
لا والله الا غديتو مع عجائجها
الدين منكم بريء والشرع وعلومه
واكذابكم ما نصدق من يروجها
وعيونكم عن طريق الحق ملطومه
وأعمالكم زين الشيطان منهجها
تفتون فتوا باسم لاسلام مذمومه
بتزهيق لارواح والاعراف تسهجها
في اي مله ترى الاحكام معلومه
ما نقبل أوهامكم سدو مدارجها
اطماعكم روجت لاغراض مشئومه
ودروبكم ما جهلنا في تعوجها
شوري على زمرة الطاغين والزومه
تتوب عن ذنبها والله يفرجها
تعود إلى رشدها بوجيه محشومه
في ذمة المسلمين وفي مناهجها
ما قصر الشيخ ابومتعب ولا قومه
باللين والعفو والحكمه يهرجها
وابلادنا بالشرع والعدل محكومه
وسنه محمد نعرج مع معارجها
في ظل دوله سعت بهداف مرسومه
تحمي حما الدين وتنفذ برامجها
"مدارات شعبية"