صعقت خبر جتني بحالي منامي
مفادها عن ما حصل بالتفاصيل
من لا بتي شيخين راحو قوامي
راحوا عيالٍ من خيار الرياجيل
جمعهم المعبود ربي اشمامي
وحل القضا من ربنا خالق الجيل
والموت حق ولا عن الموت حامي
واليا انتهت ما عاد للعبد تاجيل
سنت ولي العرش رب الأنامي
ياخذ ويعطي والليالي تداويل
يا الله يالمعبود منش الغمامي
تجعل عليهم يمطر المخاييل
يمطر عليهم لين يملي المحامي
حتى مقابرهم تبرد من السيل
وتمحى الذنوب اللي عليهم عظامي
وتعوضنا فيهم رجالٍ دواليل
من ربعتي روس الرجال الحشامي
أهل الدلال الصفر والعود والهيل
وحيلٍ عليها ينثرون اليدامي
ومجالسٍ لأهل الوفاء والمشاكيل
أهل الكرم بشهود ماهو كلامي
تشهد لهم بالطيب كل الرياجيل
والله يعوض ربعتي فالكرامي
والله يكافيهم شرور المقابيل
"مدارات شعبية"