واكبدي اللي كن به حمو لالي
با القيظ والا حامي الجمر ناله
تفوح فوح مبهرات الدلالي
جزل حطبها ركده ثم شاله
والعين جابت دمعها بانتلالي
يشدي هماليك المطر من خياله
من واحد يتعب على شده بالي
لو ما عنت رجلي فقلبي عناله
عينه تشادي قلتة بالظلالي
في حد لوح ما تنوله حباله
وقذيلته يلعب بها الهملالي
بدف الظليم ويتعب اللي حباله
اللي بميدان الموده مشالي
يرخص كلامه ويتغالى حلاله
أنا أشهد انه با الهوى سم حالي
ويبس عروق الجسم واذوى خياله
عندي غلاه مرخص كل غالي
طفل معذبني بزايد دلاله
"مدارات شعبية"